حوار دارمي
شعر
عامر الحسيني @ ذياب الميالي
دق القلب مشتاق دق باثر دق
ينبض احبكم موت لولا الأجل طق -عامر-
@
نتحاور انه وياك وبكل صراحة
ليش بهوه الحلوين ماعدنه راحة -ذياب-
@
ماعدنه راحة ليش تنشد يذايب
ربك كتب بكتاب الشوق غالب -عامر-
@
نتحاور انه وياك وبكل أمانه
صار العشق معروف بس بالخيانه -ذياب-
@
صدّق خبرت الناس والشايب يشيب
ماظل بعد نوماس عدهن ملاعيب -عامر-
@
ليش العشق يا ناس صاير خيانات
فتحولة شعبة يصير شعبة جنايات -ذياب-
@
لاتنشد المظلوم ليش الظلم صار
صدّق ترى الكذاب تاليهة بالنار -عامر-
@
عايش براحة بال وبراحة آنه
لا عاشق ولا معشوق لاجت خيانه -ذياب-
@
صدّق يخوي الشوق خلاني شاعر
والدنيا كلها دروس لازم تخاطر -عامر-
@
عايش براحة اليوم وبراحة حالي
سود شكثر نحسات مرن ليالي -ذياب-
@
طيف الأحبه اليوم مر بخيالي
وانه بغرب ظليت أسهر ليالي -عامر-
@
سود شكثر مرات مرن ليالي
شن العشق حملات دمرلي حالي -ذياب-
@
صرت بحرب وزماط انه وكياني
عقلي يقل لي عوف قلبي كواني -عامر-
@
حرب بحرب وزماط صاير عشقنه
غير الألم والآه قل لي أشأخذنه -ذياب-
@
لاغالب ولا مغلوب حرب الحبايب
بس الطفل بالشوق جن شكله شايب -عامر-
@
ليش القلب بجفاه بشواقه ذايب
شاب بربيع اصباي بس انه شايب -ذياب-
@
تدري العشق قتال درب اليشيبون
كنا بعشقنه اصغار جانه الكبر لون -عامر-
ليست هناك تعليقات:
إرسال تعليق