كلمة ونص
شعر ..عامر الحسيني
جيتك اون كَتلي اعرفت .. دكَيت بابك معرفت
جرحي نزف وانت اشكرت ..ممنون مثلك ما شفت
ممنون منك بالحزن ..كَلبي انكسر وانت تون
مثل المطر انت المزن ..والكَاع عندي ما صفت
كَيعاني صاحت يالمطر..هلبت تجي وكت القهر
تغسل كَلب هذا البشر..يعبد طواغيت وجبت
كتلك حبيبي مبتلي ..ارض وسمه بغربة وعلي
ردتك تمد ايدك الي..ممنون كَتلي ومقبلت
ردتك وطن وحدي بقرب..والناس يمي بالضرب
سكرانه شو جنهم غرب..محد يريده الي ردت
اخيام حركَوها الشغب..والضيم ما يعرف تعب
صحنا الشعب ماكو شعب..بالنار وحدك قررت
قرر وطن كافي ظلم..وامشي عدل تلكَه السلم
خيك انا وشايل علم..تكتل اخيك ماخفت
ربك ترى واحد أحد ..ما يرضى لو تظلم أبد
والدنيا مادامت لاحد ..يبليك بلوة الما درت
شعر ..عامر الحسيني
جيتك اون كَتلي اعرفت .. دكَيت بابك معرفت
جرحي نزف وانت اشكرت ..ممنون مثلك ما شفت
ممنون منك بالحزن ..كَلبي انكسر وانت تون
مثل المطر انت المزن ..والكَاع عندي ما صفت
كَيعاني صاحت يالمطر..هلبت تجي وكت القهر
تغسل كَلب هذا البشر..يعبد طواغيت وجبت
كتلك حبيبي مبتلي ..ارض وسمه بغربة وعلي
ردتك تمد ايدك الي..ممنون كَتلي ومقبلت
ردتك وطن وحدي بقرب..والناس يمي بالضرب
سكرانه شو جنهم غرب..محد يريده الي ردت
اخيام حركَوها الشغب..والضيم ما يعرف تعب
صحنا الشعب ماكو شعب..بالنار وحدك قررت
قرر وطن كافي ظلم..وامشي عدل تلكَه السلم
خيك انا وشايل علم..تكتل اخيك ماخفت
ربك ترى واحد أحد ..ما يرضى لو تظلم أبد
والدنيا مادامت لاحد ..يبليك بلوة الما درت
***
تحية لكل الأحرار في بلادي
عامر الحسيني
بغداد - ساحة التحرير
27\1\2020
ليست هناك تعليقات:
إرسال تعليق